Historiku


Viti 1995 - Fillon nga aktiviteti Shoqëria “ITE”.
 “ITE”, filloi aktivitetin e saj si një shoqëri me përgjegjësi të kufizuar në vitin 1995. “ITE” u krijua me aksione 100 % shqiptare. Objekti i veprimtarisë së saj ishte instalimi per projekte elektrike, elektronike dhe telekomunikacioni, si dhe plotësimi i nevojave me materiale elektrike dhe elektronike nëpërmjet importeve.

Viti 1995 - Krijohet pika e parë e shitjes
Shoqëria “ITE” bëri të mundur hapjen e pikës së parë të shitjes në kryqëzimin e rrugës “ Myslym Shyri” me Unazën e vogël të kryeqytetit. Pika e parë e shitjes kishte një sipërfaqe prej 60 m2. Aktiviteti Tregetar i Shoqërisë nisi me materiale elektrike.

Viti 2001 – Fillon zgjerimi i aktivitetit tregtar
Zgjerimi i aktivitetit të Shoqërisë “ITE” u shoqërua me domosdoshmërinë e transferimit të pikës së tregtimit të materialeve elektrike, nga rruga “Myslym Shyri” në një adresë të re dhe mjedis më të përshtatshëm për ushtrimin e aktivitetit. Shërbimi tregtar transferohet në Rrugën “Perlat Rrexhepi”.
Mjedisi i ri ndodhej në një nga zonat më të zhvilluara dhe të populluara të Tiranës. Ky mjedis shërbimi kishte një sipërfaqe prej 380 m2 si magazinë shitje per materiale elektrike dhe pajisje elektronike

Viti 2001 – “ITE Group”: Krijohet Zyra e Projektimit
Krijohet nga Shoqëria “ITE” edhe Zyra për Projekte Elektrike. Zgjerimi i gamës së shërbimeve u reflektua edhe në ndryshimin e emrit të firmës “ITE”. Ajo tashmë quhet “ITE Group”.

VITI 2002 – Hapet magazina qendrore në Yzberish.
Në periferi të Tiranës, Shoqëria “ITE Group” hap në vitin 2002 magazinën e saj qendrore. Magazina ndodhej në perëndim të kryeqytetit, pikërisht në Yzberisht, zonë me popullim të ndjeshëm dhe pikë e rëndësishme tregtare dhe lidhëse me qytetet e tjera të vendit. Magazina qendrore kishte një sipërfaqe prej rreth 2000 m2, hapësirë e destinuar për materiale elektrike dhe pajisje elektronike.

Viti 2006 - Krijohet Reparti i prodhimit të paneleve elektrike.
Në vitin 2006, pranë magazinës qendrore Yzberisht “ITE Group” krijon një repart të ri për prodhimin e paneleve elektrike. Ky report i ri u ngrit dhe funksionoi në një sipërfaqe prej 280 m2.

Viti 2007 – Filloi nga funksionimi pika e shitjes në Durrës.
Pika e shitjes në qytetin e Durrësit filloi të funksionojë në vitin 2007. Kjo pikë shitje ka një sipërfaqe rreth 300 m2. Ajo lindi si domosdoshmëri për t’i krijuar lehtësi klientëve nga qytete të tjera, në sigurimin e produkteve, materiale elektrike dhe instalime elektrike.

Viti 2011 – Krijimi i mjediseve moderne të “ITE Group” në periferi të Tiranës
Në vitin 2010, Bordi Drejtues i Kompanisë “ITE Group” vendosi të investojë për ndërtimin e mjediseve të reja dhe moderne të Kompanisë në periferi të Tiranës, në krah të djathtë të Autostradës Tiranë – Durrës, km 5, në zonën industriale më të zhvilluar të kryeqytetit. Ky ambient përbëhet nga kater pjesë: 1. Zyra me siperfaqe 960 m2. 2. Pikë Shitje dhe Showroom të vendosura në një sipërfaqe prej 460 m2. 3. Ambjent magazinimi 1800 m2. Teknologjia e re e aplikuar krijon mundësinë e magazinimit në një sipërfaqe raftesh 4200 m2. 4. Reparti për prodhimin e Paneleve Elektrike me një sipërfaqe prej 600 m2.



Viti 2016 – Filloi nga funksionimi pika tjetër e shitjes në Tiranë pranë unazës së re.
Pika e shitjes në unazën e re filloi të funksionojë në vitin 2016. Kjo pikë shitje ka një sipërfaqe rreth 180 m2. Ajo lindi si domosdoshmëri për t’i krijuar lehtësi klientëve në një nga lagjet më të populluara të Tiranës, në sigurimin e materialeve elektrike.

Viti 2020 – Fillon nga funksionimi pika e shitjes në qytetin e Shkodrës.
Pika e shitjes në qytetin e Shkodrës filloi të funksionojë në vitin 2020. Kjo pikë shitje ka një sipërfaqe rreth 900m2. Për të mbuluar kryeqytetin e veriut lindi si domosdoshmëri hapja e pikës në Shkodër për t’i krijuar lehtësi klientëve në këtë zonë, në sigurimin e produkteve, materiale elektrike.



Profili

“ITE Group” paraqitet në tregun shqiptar si një nga firmat kryesore për materiale elektrike, pajisje elektronike dhe telekomunikacioni. “ITE Group” në rolin e shitjes me pakicë dhe distributorit në Shqipëri, është përfaqësuese e firmave nga më prestigjiozet në botë. Partnerët tanë të rëndësishëm janë: Schneider Electric, Philips, Bosch, Vimar, Vortice, Legrand, 3M, Pramac, Arnocanali, Prysmian Group, Femi CZ, Electrocanali, etj.
Partnerët e zgjedhur paraqesin në çdo kohë cilësi të produkteve dhe shërbimeve të tyre, duke ofruar standarde të larta dhe garantuar suksesin e “ITE Group”. Pjesë e rëndësishme e Shoqërisë “ITE Group” është reparti i Asamblimit të Paneleve Elektrike, i ngritur në vitin 2006. Në këtë repart realizohen panelet elektrik te shpërndarjes, të kondicionimit si dhe të automatizimit industrial. Kompania ka të drejtën e perfaqësimit si Panel Builder nga “General Electric” deri në 1800 A dhe “Schneider Electric” deri në 4000 A. Arritjet e deri tanishme e konsolidojnë Shoqërinë “ ITE Group” si një nga partnerët më të privilegjuar nga profesionistët e fushës së projektimit dhe tregtimit të materialeve elektrike, elektronike dhe të telekomunikacionit. Kompania është çertifikuar me Standardet :


- ISO 9001:2008

- ISO 9001:2015

- ISO 14001:2015

- OHSAS 18001:2007

- ISO/IEC 20000-1:2011

- ISO/IEC 27001:2013

- ISO 39001:2012

- ISO 50001:2011

- PAS 99:2012


Vizioni

Zgjidhje profesionale, Inovacion, Përmirësim i vazhdueshëm, këto janë sloganët tanë aktualë dhe që do vazhdojnë edhe për vitet në vijim.
Lindur si instalator elektrik ka bërë të mundur afrimin e profesionistëve të fushës jo vetëm në shitjen e materialeve elektrike por edhe në dhënien e zgjidhjes teknike në mënyrë profesionale. Kjo ka bërë që të jemi gjithmonë një hap më përpara se konkurrenca në standartet dhe produktet e ofruara, inovacion duke përqafuar teknikat më të fundit në materialet elektrike dhe elektronike.
Ne jemi profesionistët e fushës dhe objektivi ynë është që të identifikojmë nevojat e klientit duke i dhënë zgjidhje optimale kërkesave dhe projekteve nga më komplekset.